cotton कपाशी पिक सल्ला

cotton पिक सल्ला
********
»»»»»»»»»»»»»»»»»»»»
कापूस...
कवडी : पानांवर, पानांच्या टोकांजवळ, तसेच पानांच्या कडेला गडद तपकिरी रंगाचे ५-१० मिमी व्यासाचे चट्टे पडतात. बोंडावर लालसर तपकिरी, काळपट, खोलगट चट्टे पडतात. अशी बोंडे उमलत नाहीत. बोंडातील कापूस चिकटून तो कवडीसारखा दिसतो. नियंत्रणासाठी रोगट बोंडे जमा करून त्यांचा नायनाट करावा. रोग दिसताच कॉपर ऑक्झिक्लोराईड २.५ ग्रॅम प्रति लिटर पाण्यात मिसळून फवारणी करावी.
दहिया : रोगाचा प्रादुर्भाव साधारणतः सप्टेंबरच्या पहिल्या आठवड्यात दिसतो. सुरवातीस पानाच्या खालील बाजूने आकारविरहित पांढऱ्या रंगाचे ठिपके दिसतात. दही शिंपडल्यासारखी लक्षणे दिसतात. पाने, देठ, पात्या, फुले, बोंडांवर रोगाची लक्षणे दिसतात. रोप किंवा पिकवाढीच्या अवस्थेत रोगाचा प्रादुर्भाव झाल्यास झाडाची वाढ खुंटते. पात्या, फुले व बोंडे गळतात. नियंत्रणासाठी शेतातील रोगग्रस्त अवशेषांचा नायनाट करावा. विद्राव्य गंधक ३ ग्रॅम किंवा कार्बेन्डाझिम १ ग्रॅम प्रति लिटर पाण्यात मिसळून फवारणी करावी.
जीवाणूजन्य करपा : सुरवातीस पानाच्या खालील बाजूने तेलकट कोनात्मक तांबड्या काळपट रंगाचे ठिपके दिसतात. रोगाची सुरवात साधारणतः ऑगस्टच्या दुसऱ्या आठवड्यात सुरू होते. पानाच्या मुख्य व उपशिरांवर रोगाचा प्रादुर्भाव दिसतो. यामुळे पानाच्या शिरा काळपट किंवा तांबड्या रंगाच्या दिसतात. फांद्यांवर काळपट रंगाचे ठिपके दिसतात. फांद्या काळपट पडतात. बोंडावर तेलकट, काळपट ठिपके पडतात. नियंत्रणासाठी रोग दिसताच कॉपर ऑक्सिक्लोराईड २.५ ग्रॅम अधिक स्ट्रेप्टोमायसीन ०.१ ग्रॅम प्रति लिटर पाण्यात मिसळून दोन ते तीन फवारण्या